कंधार दिनांक 8 मार्च (प्रतिनिधी)
आजच्या या आधुनिक युगातील सर्व क्षेत्रामध्ये महिलांनी आघाडी मिळवली असून या युगातील सर्व आव्हाने महिला राजकीय सामाजिक शैक्षणिक वैद्यकीय संरक्षण आदि क्षेत्रातील सर्वच आव्हाने महिला सक्षमपणे सांभाळून जबाबदाऱ्या पार पाड़ात आहेत असे प्रतिपादन सामाजिक कार्यकर्त्या तथा माजी जिल्हा परिषद सौ.वर्षाताई भोसीकर यांनी जागतिक महिला दिनानिमित्त कंधार येथील आयोजित कार्यक्रमात बोलताना केले.
जागतिक महिला दिनानिमित्त प्रियदर्शनी मुलींचे उच्च माध्यमिक विद्यालय कंधार येथे सौ.वर्षाताई भोसीकर यांच्या वतीने कंधार व परिसरातील विविध क्षेत्रात काम करणाऱ्या कर्तबगार महिलांचा सत्कार व सन्मान आयोजित केला जातो.
या कार्यक्रमाचे उद्घाटक मुंबई कृषी उत्पन्न बाजार समितीच्या माजी संचालक प्राध्यापक श्रीमती चित्राताई लुंगारे, प्रमुख पाहुण्या व सत्कारमूर्ति महिला कांग्रेस च्या तालुका अध्यक्षा सौ. आशाताई गायकवाड़,सौ. शिवकांताताई मंगनाळे, सौ.विजया मंगनाळे, सरपंच सौ गोदावरीबाई गायकवाड, सौ कल्पना पेटकर प्राचार्य सौ राजश्री शिंदे डॉक्टर सौ. दिपाली तायडे,डॉक्टर सौ.वसुधा आंबेकर, डॉक्टर सौ.मीनाक्षी सादलापुरे,डॉक्टर सौ.तक्षशिला पवार, डॉक्टर सौ नम्रता फुलवळे, सौ. मीरा शिरसागर,सौ. श्यामा पाटील,श्रीमती प्रतिभा खैरे,सौ.मनीषा कुरुडे,कंधार पोलीस दलात काम करणाऱ्या महिला सौ.राधा पदमपल्ली, श्रीदेवी मारवाडे, शारदा कदम, सुमन फुके, ज्योती कदम, जया गायकवाड, निर्मला वाघमारे, सौ.नंदाबाई गाढवे आदींची प्रमुख उपस्थिती होती. 
कार्यक्रमाच्या प्रारंभी राजमाता माँ जिजाऊ साहेब व क्रांतिज्योती सावित्रीबाई फुले यांच्या प्रतिमेचे पूजन व पुष्पहार अर्पण करून दीप प्रज्वलनाने कार्यक्रमाचे श्रीमती चित्राताई लुंगारे,यांच्या हस्ते उद्घाटन करण्यात आले सामाजिक कार्यकर्त्या तथा माजी जिल्हा परिषद सदस्या सौ.वर्षाताई भोसीकर यांच्या वतीने उपस्थित मान्यवर महिलांचा सत्कार व सन्मान करण्यात आला.
कार्यक्रमाचे प्रास्ताविक प्राचार्य सौ.राजश्री शिंदे यांनी केले यावेळी सौ.आशा गायकवाड,सौ.कल्पना पेठकर,डॉ. सादलापुरे यांनी आपले मनोगत व्यक्त केले
याप्रसंगी बोलताना सौ.वर्षाताई म्हणाल्या की आज जागतिक महिला दिनानिमित्त सर्व महिला भगिनींना शुभेच्छा देते कंधार शहरामध्ये हा कार्यक्रम आयोजित करण्याचा माझा उद्देश की विविध क्षेत्रात काम करणाऱ्या कर्तबगार महिलांचा सन्मान व त्यांच्या कामाचे कौतुक व्हावे असा आहे आजच्या या आधुनिक काळामध्ये महिला सक्षम पणे काम करत कुटुंबाची मुलांची जबाबदारी सांभाळून सर्वच क्षेत्रात काम करत आहेत आज असे असले तरी या काळामध्ये महिलांसमोर अनेक आव्हाने देखील आहेत काम करत असताना स्त्रीला दुय्यम लेखले जाते आजही ग्रामीण भागात व शहरी भागात स्त्रियांवर मूलीवर अन्याय-अत्याचार होत आहेत यासाठी कठोर कायद्याची अंमलबजावणी आवश्यक आहे खऱ्या अर्थाने महिलांना सक्षम करायचे असेल तर येणाऱ्या विधानसभा व लोकसभेमध्ये महिलांना 50 टक्के आरक्षण लागू करावे असे सौ. वर्षाताई भोसीकर म्हणाल्या.
कार्यक्रमाचे सूत्रसंचालन सौ श्यामा पाटील यांनी केले तर आभार प्रदर्शन प्रतिभा खैरे यांनी केले यावेळी विद्यालयातील मुली व शहरातील महिलांचे मोठ्या प्रमाणावर उपस्थिती होती.
