नांदेडच्या बौद्ध उपासक उपासिका भूतान धम्माभ्यास दौऱ्याकरिता रवाना 

नांदेड – तालुक्यातील खुरगाव नांदुसा परिसरातील श्रामणेर प्रशिक्षण केंद्राचे संचालक तथा येथील अखिल भारतीय भिक्खू संघाचे जिल्हाध्यक्ष तथा धम्मगुरु संघनायक भदंत पंयाबोधी थेरो आणि शहर व परिसरातील बौद्ध उपासक उपासिका हे भूतान आणि दार्जिलिंग धम्माभ्यास दौऱ्याकरिता हुजुरी साहेब नांदेड रेल्वे स्थानकावरुन रवाना झाले. यावेळी भिक्खू संघासह अनेकांची उपस्थिती होती.

या निमित्ताने  भूतान व दार्जिलिंग येथील ऐतिहासिक तथा धार्मिक स्थळांचा अभ्यास करण्यात येणार असल्याची माहिती श्रामणेर प्रशिक्षण केंद्राच्या वतीने देण्यात आली.